Ինչո՞վ են առանձնահատուկ Քլոնիի արձանիկները

Տպագրություն՝ մանրուքների կատարելությամբ

Մենք տպագրում ենք յուրաքանչյուր արձանիկ՝ օգտագործելով ֆոտոպոլիմերային խեժ, այլ ոչ թե պլաստիկ կամ թելեր: Ի՞նչու։ Քանի որ խեժը թույլ է տալիս փոխանցել փոքրիկ, բայց կարևոր մանրուքներ՝ դիմախաղեր, հագուստի ծալքեր, մատներ, աքսեսուարներ։ Այս ամենն արձանիկին կյանք է հաղորդում։
Ի տարբերություն ֆիլամենտային տպագրության՝ խեժային արձանիկները ստացվում են հարթ, ամուր և գերճժգրիտ՝ առանց շերտագծերի ու կոպիտ մակերեսների։

Ակրիլային ներկերով գունավորում

Երբ արձանիկները տպագրվում և մշակվում են, մեր նկարիչները դրանց կյանքի են կոչում գույնով՝ օգտագործելով պրոֆեսիոնալ ակրիլային ներկեր։ Այս ներկերը հայտնի են իրենց հագեցած գույներով, դիմացկունությամբ և հարուստ բաղադրությամբ։
Ամեն մի մանրուք ներկվում է ձեռքով՝ մազերի գույնից և հագուստի նախշերից մինչև մաշկի նուրբ երանգներն ու աքսեսուարները։ Հենց սրա շնորհիվ է, որ յուրաքանչյուր աշխատանք դառնում է եզակի։

Աէրոգրաֆիկ նկարչություն

Ճշգրիտ անցումներ և բնական ստվերներ ստանալու համար մենք կիրառում ենք աէրոգրաֆիկ նկարչության տեխնիկան։ Այս մեթոդը թույլ է տալիս տարածել գույնի շատ բարակ շերտեր՝ իդեալական մաշկի երանգներ, կարմրաներկի էֆեկտ և գործվածքների ստվերներ ստանալու համար։
Աէրոգրաֆիկ նկարչությունը ոչ միայն կենդանացնում է քո արձանիկը, այլև ավելացնում է խորություն և բնականություն, որը սովորական վրձիններով հնարավոր չէ փոխանցել։

Կատարյալ համադրություն

Ինչո՞ւ խեժ և ակրիլային ներկեր։
Քանի որ միասին դրանք ապահովում են՝
Բնական տեսք
Հարթ և բարձրորակ մակերես
Երկարատև դիմացկունություն
Չկրկնվող գույներ և նուրբ դետալներ
Քո արձանիկը ոչ միայն կլինի քեզ նման,այլև կլինի քո մինի տարբերակը՝ ստեղծված սիրով և հոգատարությամբ։

Սիրով ձևավորված և երկարակյաց

Խեժը, իհարկե, ամուր նյութ է, բայց մեր արձանիկներն արվեստի գործ են — դրանց պետք է խնամքով պահպանել։
Պահիր քո Քլոնին արևի ուղիղ ճառագայթներից ու տաքությունից հեռու , և այն երկար տարիներ կպահպանի իր գեղեցկությունը։
Կարող ես միայն ժամանակ առ ժամանակ փոշին մաքրել, այդքանը բավարար է։

Քլոնիի յուրաքանչյուր արձանիկ պարզապես տպագրություն չէ-այն ձեռագործ արվեստի նմուշ է։
Խեժը ծառայում է որպես հիմք, ակրիլը՝ որպես ոճ, աէրոգրաֆիան՝ իրական տեսքի համար, իսկ ողջ աշխատանքի կենտրոնում քո յուրահատուկ պատմությունն է։